L'école Kulunka | Beltzane Obanos

ASKATU MUGIMENDUA, HOBETU EGUNEROKOTASUNA

Garunaren plastikotasunean oinarritutako esplorazio leuna, mugimenduaren jariakortasuna hobetzeko, tentsioak murrizteko eta gorputzarekin berriro konektatzeko.

ESKOLA

Zergatik aukeratu metodo hau?

Ohiko praktikarekin lor dezakezu:

Mugimendu

kontzientea:

Feldenkrais metodoaren muina mugimendu kontzientean oinarritzen da, bereziki grabitateari dagokionez. Gorputzaren kontzientzia areagotu honek, erraztasun eta eraginkortasun handiagoarekin mugitzeko aukera ematen du.

Eguneroko jardueren hobekuntza:

Lanerako, kirolerako edo aisialdirako, metodoak lesioak saihesten laguntzen dut, baita errendimendua eta bizitasuna areagotzen ere.

Errekuperatzea eta errehabilitazioa:

Lesioak, mina edo bestelako errekuperazio beharrak badituzu, Feldenkrais Metodoak berreskuratze azkarragoa eta naturalagoa sustatzen du.

Konfiantza eta norberaren irudia:

Zure gorputzaren irudia argituz eta zure autokontzientzia indartuz,zure gaitasunetan konfiantza berreskuratuko duzu, barne antolaketa optimizatu bati esker.

Garapen pertsonala eta sormena:

Metodoak ohituren aldaketa positiboa bultzatzen dut, sormena suspertuz. Norberaren adierazpena hobetzen du, asmoak ekintza konkretu bihurtuz.

MOSHE FELDENKRAIS
Metodo iraultzaile baten sortzailea

Feldenkrais Metodoak bere sortzailearen izena hartzen du, Moshe Feldenkrais (1904-1984).

Ukrainan jaio zen 1904ean, Moshe Feldenkrais, Israelgo fisikari eta ingeniaria. Arte martzialekiko grina, hamalau urterekin Europa oinez zeharkatu ondoren jaio zitzaion, Palestinan.

1929an Pariseko Sorbona unibertsitatera joan zen ikasketak bukatzera, eta bertan ingeniari titulua eta fisikan doktoretza lortu zituen. Bertan Jigoro Kano ezagutu zuen eta honi esker judoa deskubritu zuen.

Bigarren Mundu Gerran Britainiar Almirantetzako lanean ari zela,belauneko lesio zahar batek bere mugimenduak eta ohiturak berrikustera behartu zuen. Ebakuntza kirurgikoak inolako bermerik eskaintzen ez zionez, autoerrehabilitaziorako tekniken esplorazio sakon batean murgildu zen.

Ikerketa hau izango da Feldenkrais metodoaren oinarria. 1951n hasi zen metodoa irakasten.

1984an Tel Aviven hil zen arte, Feldenkraisek bere bizitza metodoa munduan zehar partekatzen eta irakasten pasa zuen, kontinente guztietako bizitzak ukituz.

Feldenkrais metodoaren bi bideak:

Taldean eta banaka

TALDE KURTSOAK

Mugimenduaren bidezko kontzientzia hartzea (ATM)

Taldeko Feldenkrais kutso batean, edo ATM, irakasleak ahoz gidatzen ditu parte-hartzaileak mugimenduen ikerketan. Mugimendu hauek, sinpleak izan arren, sarritan berriak dira parte-hartzaileentzat.

Planteamendua indibidualizatua da : bakoitzak bere erritmoaren arabera egokitzen ditu argibideak, erosoa eta atsegina dena aukeratuz. Eredu zurrun bati jarraitu beharrean, ikasleek beren sentsazioak aztertzen dituzte, mugimendu aukera berriak ezagutuz horrela.

Ez ditugu mugimenduak mekanikoki memorizatzen, ikerketa etengabeari esker mugimendu-errepertorioa aberastuz goaz.

Prozesu honek gorputzaren kontzientzia aberasten du, horrela malgutasuna eta mugitzeko gaitasuna hobetuz. Aurretik imajinaezinak ziren mugimenduak lorgarriak bilakatzen dira.

BANAKAKO SAIOAK

Integrazio Funtzionala
(IF)

Banakako saioak, edo IF, ikasle bakoitzaren behar zehatzei egokitzen dira.

Saio hauetan,irakasleak eskuak erabiltzen ditu ikaslearen mugimenduak emeki gidatzeko, beti bere erreakzioak entzuten.

Helburua ikaslearen gaitasunetan sakontzea da.

Mugitzeko modu berriak etengabe ezagutuz eta ikasiz, ikasleak mugarik gabeko hobekuntzarako bidean murgiltzen da.

*Egun edota ordutegi hauek egoki ez bazaizkizu, jarri harremanetan nirekin.

Josette Caumia, Bidache

( talde kurtso presentzialak)

"Berehala gustatu zitzaidan talde-saioen printzipioa. Irakasleak mugimendu txiki eta motel batzuk proposatzen ditu, eta bakoitzak bere erritmoan eta bere erara egiten ditu, bortxatu gabe. Gure gorputzean gertatzen ari dena behatzen dugu. Eskuaren mugimendu txiki bat bizkarrearino suma daitekeela ohartzen gara. Horrek eguneroko jarduerak hobeto kudeatzen laguntzen digu.

Saioaren amaieran gure gorputzean zer aldatu den ikusten dugu, irabazitako mugikortasuna, malgutasun handiagoa artikulazioetan. Gorputza lasai dago, lasai sentitzen gara.

Bizkarreko ornoekin istripu baten ostean hasi nituen saioak. Gaur egun, ia ez dut minik gehiago eta malgutasuna berreskuratu dut. Uste dut praktika honek asko lagundu didala emaitza hau lortzen."